พระคาถาสวดบูชาพระสยามเทวาธิราช

ระตะนัตตะยัปปะภาวาภิยาจะนะคาถา

(พระราชนิพนธ์ ในพระบาทสมเด็จพระจอมเกล้าเจ้าอยู่หัว)

   อะระหัง สัมมาสัมพุทโธ อุตตะมัง ธัมมะมัชฌะคา มะหาสังฆัง ปะโพเธสิ อิจเจตัง
ระตะนัตตะยัง พุทโธ ธัมโม สังโฆ จาติ นานาโหนตัมปิ วัตถุโต อัญญะมัญญาวิโยคาวะ
เอกีภูตัมปะนัตถะโต พุทโธ ธัมมัสสะ โพเธตา ธัมโม สังเฆนะ ธาริโต สังโฆ จะ สาวะโก
พุทธัสสะ อิจเจกา พัทธะเมวิทัง วิสุทธัง อุตตะมัง เสฎฐัง โลกัสมิง ระตะนัตตะยัง สังวัตตะติ
ปะสันนานัง อัตตะโน สุทธิกามินัง สัมมาปะฎิปัชชันตานัง ปะระมายะ วิสุทธิยา วิสุทธิ สัพพเกลเส หิ โหติ
ทุกเขหิ นิพพุติ นิพพานัง ปะระมัง สุญญัง นิพพานัง ปะระมัง สุขัง เอเตนะ สัจจะวัชเชนะ
สุวัตถิ โหตุ สัพพะทา ระตะนัตตะยานุภาเวนะ
   ระตะนัตตะยะเตชะสา อุปัททะวันตะรายา จะ อุปะสัคคา จะ สัพพะโส มา กะทาจิ สัมผุสิงสุ รัฎฐัง
สยามานะเมวิทัง อาโรคิยะสุขัญเจวะ ตะโต ทีฆายุตาปิ จะ ตัพพัตถูนัญจะ สัมปัตโย สุขัง สัพพัตถะ โสตถิ
จะ ภะวันตุ สัมปะวัตตันตุ สยามานัง รัฎฐะปาลินัง เต จะ รัฎฐัญจะ รักขันตุ สยามะรัฎฐิกะเทวะตา สยามานัง
รัฎฐะปาลีหิ ธัมมามิเสหิ ปูชิตา สิทธะมัตถุ สิทธะมัตถุ สิทธะมัตถุ อิทัง ผะลัง เอตัสมิง ระตะนัตตะยัสมิง สัมปะสาทะนะเจตะโส

    คาถาสวดบูชาพระสยามเทวาธิราชนี้ จะเป็นสิริมงคลแก่ผู้บูชาทุกวัน